ԿարևորՌադիոլուր

Արեւմտահայերէն լուրեր Օգոստոս 31. 2022

Վարչապետ Նիկոլ Փաշինեան աշխատանքային այցով Պրիւքսէլ մեկնած է։ 31 Օգոստոսին Պրիւքսէլի մէջ նախատեսուած է Հայաստանի Հանրապետութեան վարչապետ Նիկոլ Փաշինեանի, Եւրոպական խորհուրդի նախագահ Շառլ Միշէլի եւ Ատրպէյճանի Հանրապետութեան նախագահ Իլհամ Ալիեւի եռակողմ հանդիպումը:

Միացեալ Նահանգները կոչ կ՛ընէ Հայաստանին եւ Ատրպէյճանին խտացնելու դիւանագիտական փոխգործակցութիւնը յանուն համապարփակ խաղաղութեան համաձայնագրի։ Լրագրողներուն հետ ճեպազրոյցի ընթացքին յայտարարած է Ամերիկայի պետական քարտուղարութեան տեղակալը ։

Երեկ՝ ժամը 20.00-ին Արցախէն Հայաստան եւ հակառակ ուղղութեամբ երթեւեկութիւնը «Բերձորի միջանցք»ով գործելէ դադրեցաւ: Հայաստան-Արցախի ցամաքային կապը արդէն նոր ճամբով ՝ Բերդաձորի ենթաշրջանի Մեծ Շէն Հին Շէն գիւղերով կը սկսի ու ժամանաւավոր 4.7 քիլոմեթր երկարութեամբ ճամբով կը միանայ Ստեփանակերտ-Գորիս մայր ճամբուն:

Back to top button