ՆԱՍԱ-ն օգոստոսի 29-ին առնվազն չորս օրով հետաձգել նոր հրթիռի դեբյուտային փորձնական արձակումը, որն Ապոլոնի վերջին լուսնային առաքելությունից ավելի քան 50 տարի անց նախատեսում է օգտագործել ապագա տիեզերագնաց թռիչքների համար դեպի Լուսին:
Ըստ «Reuters»-ի՝ Տիեզերական գործակալությունը հրաժարվել է հստակ ժամկետներ սահմանել «Արտեմիս» հրթիռի նոր արձակման համար: Բայց երկրորդ փորձը դեռևս հնարավոր է արդեն առաջիկա ուրբաթ օրը՝ կախված հետագա տվյալների վերլուծության արդյունքից, ասել են ՆԱՍԱ-ի բարձրաստիճան պաշտոնյաները մամուլի ճեպազրույցում՝ ընդհատված հետհաշվարկից ժամեր անց:
Հետհաշվարկի ժամացույցը դադարեցվել է նպատակային արձակման ժամից մոտ 40 րոպե առաջ, երբ հրթիռը գրեթե պատրաստ էր թռիչքին։
ԱՄՆ տիեզերական գործակալությունը նշում է, որ երբ արձակման խմբերը սկսել են հրթիռի հիմնական վառելիքի տանկերը լցնել գերսառեցված հեղուկ թթվածնով և ջրածնային շարժիչներով, նրանք խնդիր են հայտնաբերել հրթիռի հիմնական շարժիչներից մեկի վրա:
