Ռադիոլուր

Արեւմտահայերէն լուրեր Օգոստոս 30. 2022

Հայաստան բարձր կը գնահատէ Շուշի այցելելու Ատրպէյճանի կառավարութեան հրաւէրը մերժած Ֆրանսայի եւ Ամերիկայի դեսպաններուն դիրքորոշումը: «Արմէնփրէս»ի հարցին ի պատասխան՝ ըսած է Արտաքին գործոց նախարարութեան մամլոյ քարտուղար Վահան Յունանեան: «Բարձր կը գնահատենք այն երկիրներու դիրքորոշումը, որոնք խորքային պատկերացում ունենալով հակամարտութեան վերաբերեալ՝ հրաժարած են նմանօրինակ միակողմանի այցերուն մասնակցելէն»,- ըսած է նախարարութեան խօսնակը:

Ամերիկայի հայկական համագումարը յորդորած է Պայտընի վարչակազմին եւ Քոնկրեսին՝ աջակցելու հայ ռազմագերիները ազատ արձակելու հարցին։ Նաեւ կոչ ըրած է Ամերիկային էական օգնութիւն տրամադրել յետպատերազմեան Արցախի վերակառուցման համար, ներառեալ մարդասիրական օգնութիւն՝ տեղահանուած հայերուն օգնելու համար։

30 Օգոստոս ժամը 20-էն սկսեալ ցամաքային կապը ՝ Բերձորը եւ Աղաւնոն Շրջանցող Նոր Ճամբով պիտի ըլլայ։ Արցախի Հանրապետութեան նախագահ Արայիկ Յարութիւնեանի գլխաւորութեամբ կայացաւ Արցախի Անվտանգութեան խորհուրդի հերթական նիստը:

Back to top button