ԿարևորՀասարակություն
Ծայրահեղ ծանր վիճակում գտնվող զինծառայողի առողջական վիճակում նկատվում է դրական շարժ. ՊՆ մամուլի խոսնակ
Անցած շաբաթ Արցախում շփման գծում լարվածության հետևանքով վիրավորված 19 զինծառայողներից 2-ը դուրս են գրվել հիվանդանոցից: Այս մասին հայտնել է Հայաստանի պաշտպանության նախարարության մամուլի խոսնակ Արամ Թորոսյանը:
Ըստ նրա՝ մյուս զինծառայողները շարունակում են ստացիոնար բուժում ստանալ, նրանցից 10-ը, այդ թվում՝ ծայրահեղ ծանր վիճակում գտնվող զինծառայողը, Երևանում են:
Ըստ ռազմական գերատեսչության խոսնակի՝ ծայրահեղ ծանր վիճակում գտնվող զինծառայողի առողջական վիճակում նկատվում է դրական շարժ: Մյուս 9-ից 1-ի վիճակը ծանր է, 3-ինը՝ միջին ծանրության, մնացածներինը՝ թեթև:
