Նա լսելու, վերլուծելու, դեմքերն ու դեպքերն ինքնատիպ հումորով ներկայացնելու աննկարագրելի տաղանդ ուներ: Կոմիտասի սանուհի և կենսագիր Աղավնի Մեսրոպյանի որդին չէր կարող սովորական ու շարքային մեկը լինել: Նրա հոգում երգում էին Կոմիտասյան մեղեդիները, կարոտած էրգրի՝ Արևմտյան Հայաստանի բառն ու բանը, երգն ու խաղը:
Հրաշալի դաշնակահար, նույնքան հրաշալի կոմպոզիտոր, որի ստեղծագործություններն առ այսօր հնչում են ռադիոյով, կատարում են տարբեր երաժիշտներ:
