Բնության օրենքն է. երկիր մոլորակի վրա բոլոր կենդանի օրգանիզմները, ներառյալ մարդիկ, ժառանգում են իրենց նախորդ սերունդների հատկանիշները։ Անչափ հետաքրքիր կենսաբանական գործընթաց, որն ուսումնասիրում է գենետիկան։
Ժամանակակից կենսաբանության հիմքն է գենետիկան, բժշկագիտության ամենակարևոր ճյուղերից մեկը, ուսումնասիրում է օրգանիզմների երկու հիմնական հատկությունները` ժառանգականությունը և փոփոխականությունը։
Հետագա սերունդներին որոշակի տեղեկատվություն փոխանցելու հարցում պատասխանատու են գեները։ Դրանք հզոր ազդեցություն ունեն, դրանցով է պայմանավորված մարդկանց ոչ միայն արտաքին տեսքը՝ մազերի, աչքերի, մաշկի գույնը և ուրիշ հատկանիշներ, այլ նաև հոգեկերտվածքը, անձի ձևավորումը, մտածողությունը, առողջությունը։
Շարունակական գործընթաց, քանի դեռ մարդն ապրում է։ Ցավոք սրտի, գեները կարող են նաև փոխանցել խանգարումներ և հիվանդություններ, որոնք կարող են դրսևորվել ի ծնե կամ ի հայտ գալ հետագայում։ Ահա թե ինչու չափազանց մեծ նշանակություն ունեն գենետիկական հետազոտությունները, որոնց նպատակը ժառանգական հիվանդությունների կանխարգելումն է։
Զրույց Երևանի Մխիթար Հերացու անվան պետական բժշկական համալսարանի դասախոս, բժշկական գենետիկայի և առողջության առաջնային պահպանման կենտրոնի բժիշկ-գենետիկ Գոհար Շահսուվարյանի հետ։