ԿարևորՄշակույթ

Քանդակագործ Լևոն Թոքմաջյանը 85 տարեկան է

ՀՀ կրթության, գիտության, մշակույթի և սպորտի նախարար Վահրամ Դումանյանը շնորհավորական ուղերձ է հղել քանդակագործ, ՀՀ ժողովրդական նկարիչ, ՀԽՍՀ նկարիչների միության անդամ, Եվրասիական միջկոնտինենտալ, միջազգային գեղարվեստի ակադեմիայի իսկական անդամ Լևոն Թոքմաջյանին՝ ծննդյան 85-ամյակի կապակցությամբ:

Այս առիթով Լ. Թոքմաջյանի արվեստանոց են այցելել Հայաստանի նկարիչների միության նախագահ Սուրեն Սաֆարյանը և ԿԳՄՍ նախարարության ժամանակակից արվեստի վարչության պետ Սվետլանա Սահակյանը:

Ս. Սահակյանը ընթերցել և հոբելյարին է հանձնել նախարար Վահրամ Դումանյանի շնորհավորական ուղերձը, որում մասնավորապես ասվում է. «Սիրելի՛ վարպետ, դժվար է պատկերացնել արդի հայ արվեստն առանց Ձեր ավանդի, որի ինքնատիպությունն ու ինքնուրույնությունը հաստատվել են վաղուց:

Դուք հայ մշակութի այն երևելիներից եք, որն իր բացառիկ տաղանդով ու ինքատիպ ձեռագրով, հայեցի մտածողությումբ ճանաչելի է ոչ միայն հայ, այլև միջազգային արվեստասեր հասարակության շրջանում:

Ձեր ստեղծագործություններում մշտառկա ֆիգուրատիվ մտածողությունը, խորհրդապաշտական ընկալումներն ու սեփական կոչմանն անմնացորդ նվիրումը բարձր գնահատանքի են արժանի:

Մաղթում եմ Ձեզ քաջառողջություն, անսօառ ստեղծագործական ներշնչումներ, նորանոր հղացումներ»:

Արվեստագետը հյուրերին պատմել է առաջիկա ստեղծագործական ծրագրերի մասին, ծանոթացրել արվեստանոցում ցուցադրված աշխատանքներին:

Ցուցադրել ավելի
Back to top button