Նա ծնվել է Ռուսական կայսրությունում, մանկությունն անց է կացրել Սովետական Ադրբեջանում, իսկ ճանաչում գտել ու իր ամբողջ կյանքն ապրել Հայաստանում։
«1929 թվականին տեղափոխվել է Մոսկվա,- սկսում է Ռուբեն Մաթևոսյանը,- երգել Արևելյան ինքնագործ անսամբլում։ 1933 թվականից սիմֆոնիկ նվագախմբի հետ հանդես է եկել համերգներով։ Սովորել է Մոսկվայի հայ մշակույթի տան երաժշտական և դրամատիկական ստուդիաներում»։
«Մի կարևոր բան այստեղ չմոռանաս ասել, — ընդհատում է Մարտին Վարդազարյանը,- նա մասնակցել է Ռ. Սիմոնովի բեմադրություններին, որն էլ նպաստել է երգչուհու դրամատիկական ձիրքի զարգացմանը»։
1937 թվականին ավարտել է դասընթացները և տեղափոխվել Երևան, ու սա դարձել է ճակատագրական քայլ նրա կյանքում։
«15 րոպեն քիչ է», բայց այս ընթացքում մաեստրոներ Ռուբեն Մաթևոսյանն ու Մարտին Վարդազարյանը հասցնում են խոսել մինչև իր կյանքի վերջը «Ալմաստ» երգած տաղանդավոր Տաթևիկ Սազանդարյանի մասին։