ԿարևորՄիջազգային
Հրաձգություն՝ Տեխասի տարրական դպրոցում. կա մոտ 20 զոհ
ԱՄՆ Տեխաս նահանգի տարրական դպրոցում տեղի ունեցած հրաձգության հետևանքով զոհվել է 18 երեխա և նրանց ուսուցիչը, հայտնում է BBC-ն: Դեպքը տեղի է ունեցել Յուվալդ քաղաքում:
Ոստիկանները չեզոքացրել են չարագործին: Նա 18-ամյա տեղի բնակիչ Սալվադոր Ռոմասն է: Նրա հետ փոխհրաձգության ժամանակ 2 ոստիկան է տուժել: Նշվում է, որ դպրոցի վրա հարձակումից առաջ նա սպանել էր իր տատիկին:
Սա վերջին 10 օրում ԱՄՆ-ում զանգվածային սպանության երկրորդ դեպքն է: Մայիսի 14-ին 18-ամյա տղան 10 մարդու էր սպանել Նյու Յորք նահանգի Բուֆալո քաղաքի մթերքային խանութում: Ոստիկանությունը կարծում է, որ չարագործության շարժառիթը ռասայական ատելությունն է: