ԿարևորՀասարակություն

Արցախի ճակատագիրը չի կարող որոշվել առանց ժողովրդի կամքը հաշվի առնելու. ՄԻՊ

Որևէ ինքնավարություն Արցախի ժողովրդի համար ընդունելի չէ՝ Ստեփանակերտում ընթացող «Ապագա հայկականի» ֆորումի շրջանակում լրագրողների հետ ճեպազրույցում ասաց Արցախի Մարդու իրավունքների պաշտպան Գեղամ Ստեփանյանը:

«Սա ինքնանպատակ կամ քմահաճույք չԷ: Արցախի ժողովուրդը արդեն շատ լավ գիտի, թե ինչ է նշանակում ինքնավարություն Ադրբեջանի կազմում և գիտի վիճակագրական հստակ տվյալներով այն խտրական քաղաքականությունը, որ Խորհրդային Միության տարիներին վարվում էր Ադրբեջանի ղեկավարության կողմից: Արդյունքում Ստեփանակերտում և ԼՂԻՄ տարածքում ադրբեջանցիների թիվն աճում էր, հայերի թիվը՝ նվազում: Արդյունքում, պարտադրանքի ձևով արցախցիներին պարտաֆրվում էր ադրբեջանական կենցաղ, մշակույթ և այլն: Մենք մեկ անգամ չէ, որ ասել ենք, որ որևէ ձևով Ադրբեջանի կազմում ներգրավված լինելն ու ընդգրկված լինելը մեզ համար ընդունելի չէ»,- շեշտեց նա:

Գեղամ Ստեփանյանը հիշեցրեց, որ Արցախի ԱԺ-ն, ԱԳՆ-ն, և անձամբ ինքը հստակ դիրքորոշում են հայտնել․ «Թե՛ Արցախի ժողովուրդը, թե՛ իշխանությունները միաբերան նույն բանն են ասում՝ կարմիր գիծ կա և դա այն է, որ Արցախը չի լինելու Ադրբեջանի կազմում: Չի կարող մեր ճակատագիրը որոշվել առանց մեր կամքը հաշվի առնելու: Չի կարող Բրյուսելում կամ Վաշինգտոնում նստածը որոշի, թե Ստեփանակերտում կամ Մարտունիում ապրող մարդը ինչպես պետք է ապրի. սա աբսուրդ է»:

«80 քաղաքացիական անձ դաժանաբար սպանվել է Ադրբեջանի կողմից, Բաքուն համակարգված կերպով իրականացնում է հայկական մշակույթի ոչնչացում ու վանդալիզմ, դրանից հետո ի՞նչ ինքնավարության մասին է խոսքը»,- հայտարարեց նա:

Գեղամ Ստեփանյանը նաեւ նկատեց․ «Եթե, օրինակ, ռուս խաղաղապահները մինչև Արցախ գալը այլ կարծիքի էին, ապա Արցախում լինելով, արդեն այս 1,5 տարվա ընթացքում բազմաթիվ այլ հանգամանքների են ծանոթացել, և տեսանելի է նաև նրանց վերաբերմունքը այս հարցերի վերաբերյալ: Եվ սա է պատճառը, որ մենք շատ հաճախ միջազգային տարբեր կազմակերպությունների ներկյացուցիչների ասում ենք, որ եթե մեզ չեն հավատում, ապա կարող են գալ ու սեփական աչքերով տեսնել իրականությունը, որից հետո էլ ձևակերպեն իրենց օրակարգերը»:

Անդրադառնալով Հայաստանի առաջարկած վեց կետեևին, Ստեփանյանն ասաց. «Հայաստանի դիրքորոշման մեջ, որն արտահայտված է վեց կետերում նշված էր Արցախի անվտանգ ապրելու իրավունքի ապահովում և Արցախի վերջնական կարգավիճակի հստակեցում: ՀՀ-ն պետք է հստակեցնի, թե ի՞նչ նկատի ունի Արցախի վերջնական կարգավիճակ ասելով և պետք է հստակեցվի գոնե այն մակարդակով, որ այդ վերջնական կարգավիճակը չի լինելու Ադրբեջանի կազմում»:

Back to top button