Հայրենիքը Համո Սահյանի արյան մեջ էր․ «Հայագիտակ»

Ինչպե՞ս այսօրվա բարդ ու հակասական, հաճախ անհասկանալի իրավիճակում հայրենասիրություն դաստիարակել կամ քարոզել։

Սահյանագետ Նաիրա Խաչատրյանը ապագա ուսուցիչներին նաև Սահյանի պոեզիայի միջոցով է հայրենասեր դարձնում, իսկ նրանք այդ սերը փոխանցում են իրենց աշակերտներին։

Սահյանի համար աշխարհն իր Լոր գյուղն է՝ «Փոքրիկ մի բակ է, փոքրիկ մի դեզ», որտեղ տարիների հետ սարերը դառնում են քնած դարեր, իսկ շիրմաքարերը` հին փառքերի բեկորներ։