Գորիսի պետական համալսարանի հայոց լեզվի և գրականության բաժնի շրջանավարտ Նարեն ստեղծագործել է դպրոցական տարիներից: Նրա բանաստեղծությունները տպագրվել են բազմաթիվ պարբերականներում, նաև ընդգրկվել Հայաստանի գրողների միության և Սփյուռքի նախարարության կողմից հրատարակած «Արդի հայ երիտասարդ բանաստեղծներ», «18-33. արդի հայ պոեզիա» անթոլոգիաներում:
Տեսակով անկեղծ է, հասարակական կյանքում՝ ակտիվ և շարունակ փնտրտուքի մեջ։ Ստանալով իրավաբանական մագիստրոսական կրթություն՝ 2017-ին հիմնադրել է «Իրավական նախաձեռնությունների կենտրոն» իրավապաշտպան կազմակերպությունը:
