ԿարևորՀասարակություն

Հայաստանի մէջ Սուրիոյ արտակարգ եւ լիազօր դեսպան նշանակուած է Դոկտ․ Նորա Արիսեան

Սուրիոյ նախագահին հրամանագիրով դոկտ. Նորա Արիսեան նշանակուած է Հայաստանի Հանրապետութեան մէջ Սուրիական Արաբական Հանրապետութեան  արտակարգ եւ լիազօր դեսպան։ Դոկտ․ Նորա Արիսեան Սուրիոյ խորհրդարան անցած առաջին հայուհին է, ան Սուրիոյ խորհրդարանի Արտաքին հարցերու եւ Մարդու իրաւունքներու յանձնաժողովներու անդամ է, նաեւ՝ Սուրիա-Հայաստան միջխորհրդարանական բարեկամական խումբի նախագահը։

Դոկտ․ Նորա Արիսեան լայանծաւալ գիտահետազօտական աշխատանք տարած է Հայոց Ցեղասպանութեան թեմայով, որը հիմք հանդիսացած է Սուրիոյ խորհրդարանին կողմէ Հայոց Ցեղասպանութեան ճանաչման գործընթացին։

Հայաստանի Հանրային Ռատիոյի Արեւմտահայերէն լուրերու բաժանմունքը բերկրանքով կը շնորհաւորէ դոկտ. Նորա Արիսեանը, մաղթելով յաջողութիւն եւ բեղուն գործունէութիւն։

Back to top button