ԿարևորՀասարակություն

Ընդդիմությունն անհնազանդության ակցիաներ է սկսում

Ընդդիմությունը վաղվանից անհնազանդության ակցիաներ է սկսում մայրաքաղաք Երևանում և մարզերում: Ընդդիմադիր ուժերն այսօր հանրահավաք անցկացրեցին Ֆրանսիայի հրապարակում:

Շուրջ երկու շաբաթ ընդդիմադիր տարբեր ուժեր Երևանում և մարզերում բողոքի ակցիաներ և իրազեկման երթեր էին իրականացնում։ Ֆրանսիայի հրապարակում հավաքված ցուցարարներին միացան Հայաստանի 4 տարբեր ուղղություններից` Տիգրանաշենից, Իջևանից, Սարդարապատից, Ապարանից մեկնարկած քայլերթերի մասնակիցները:

Հանրահավաքի վերջում որոշում կայացվեց վրաններ տեղադրել և գիշերն անցկացնել հրապարակում:

«Հայաստան» խմբակցության անդամ Իշխան Սաղաթելյանը հայտարարեց որ վաղը առավոտյան ժամը 8:30-ից սկսում են մասշտաբային անհնազանդության բողոքի ակցիաներ:

«Սա իշխանազավթում չէ, սա Հայաստանի Հանրապետության արժանապատիվ քաղաքացիների սահմանադրական իրավունքն է՝ դուրս գալ պայքարի և րոպե առաջ հեռացնել իշխանությանը՝ հանուն Հայաստանի, հանուն Արցախի և հանուն հայ ժողովրդի»,- ասաց Սաղաթելյանը:

Ելույթներով հանդես եկան նաև ԱԺ «Հայաստան» և «Պատիվ ունեմ» խմբակցության պատգամավորներ Գեղամ Մանուկյանը, Հայկ Մամիջանյանը, Արթուր Վանեցյանը, Արթուր Խաչատրյանն ու Արամ Վարդեվանյանը։

Back to top button