ԿարևորՀասարակություն

Մեղրիի կասկադը վերանորոգվում է

Մեղրի քաղաքի ամենատեսարժան վայրերից մեկը՝ կասկադը, որն առանձնանում է իր ուրույն ճարտարապետական ոճով և քանդակներով, տևական ժամանակ է գտնվում էր խիստ անբարեկարգ և բարձիթողի վիճակում՝ զգալի ազդեցություն թողնելով քաղաքի արտաքին տեսքի վրա:

Մեղրիի համայնքապետարանից տեղեկացնում են, որի հաշվի առնելով ստեղծված իրավիճակը՝ նախատեսվել է իրականացնել կասկադի կապիտալ վերանորոգում ու անցկացնել լուսավորություն: Ծրագիրն իրականացվում է 2021թ. ներկայացված «Խաղահրապարակի հիմնում և կասկադի վերանորոգում Մեղրի քաղաքում» սուբվենցիոն ծրագրի շրջանակներում: Շինարարական աշխատանքները մեկնարկել են ս.թ. փետրվարի վերջից, կատարվել է աշխատանքների մոտ 80%-ը:

  • Շինարարական աշխատանքների պայմանագրային արժեքը՝ 30 240 000 ՀՀ դրամ:
  • ՀՀ Կառավարության ներդրումը՝ 44,38% կամ 13 420 512 դրամ:
  • Մեղրի համայնքի ներդրումը՝ 55,62% կամ 16 819 488 դրամ:
  • Շինաշխատանքի կապալառուն «ՄԵՂՐՈՒ ՃՇՇՁ» ՍՊԸ-ն է:

Կասկադի կապիտալ վերանորոգման հետ զուգընթաց «ՄԵՂՐՈՒ ՃՇՇՁ» ՍՊԸ-ի կողմից թարմացվել են նաև Մեղրի քաղաքի ստորգետնյա անցումի գունաթափված նկարազարդումները: Անցումը նկարազարդվել էր դեռ 2015թ. սեպտեմբերին՝ «Մեղրու կանանց ռեսուրս կենտրոն» ՀԿ-ի նախաձեռնությամբ:

Հանրային ենթակառուցվածքների բարելավումը և նոր ենթակառուցվածքների հիմնումը շարունակում է մնալ Մեղրի համայնքի առաջնային խնդիրներից:

Back to top button