ԿարևորՀասարակություն

Եվս 3 կազմակերպության տրամադրվել է տրանսպորտային միջոցների վրա գազաբալոնների տեղադրման լիցենզիա

ՀՀ տարածքային կառավարման և ենթակառուցվածքների նախարարությունից հայտնում են, որ 2022 թ․ մարտի 30-ին Հայաստանի Հանրապետությունում սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման և (կամ) գազաբալոնների պարբերական վկայագրման գործունեության իրականացման լիցենզիաներ են տրամադրվել ևս երեք կազմակերպության, որից երկուսը՝ Երևանում, մեկը՝ Շիրակի մարզում։

«Ավելի վաղ 9 կազմակերպություն ևս տարածքային կառավարման և ենթակառուցվածքների նախարարությունից ստացել էր համապատասխան լիցենզիա։ Այսօր հանրապետությունում գործում է 12 լիցենզավորված ընկերություն։Գործընթացը շարունակվում է։

ՏԿԵ նախարարությունը հորդորում է ոլորտում գործունեություն ծավալած մյուս ընկերություններին ևս ակտիվություն ցուցաբերել, դիմել լիցենզիա ստանալու համար, իսկ վարորդներին՝ հնարավորինս արագ իրականացնել գազաբալոնների վկայագրում կամ ճնշափորձարկում»,-ասվում է նախարարության հայտարարության մեջ:

Արդեն իսկ լիցենզավորված ընկերությունների տվյալները հղումով:

Back to top button