ԿարևորՄիջազգային

Բայդենը չի մեկնի Կիև. Սպիտակ տուն


ԱՄՆ նախագահ Ջո Բայդենի՝ Ուկրաինայի մայրաքաղաք այցելելու պլաններ չկան, երկուշաբթի օրը կայացած ճեպազրույցում ասել է Սպիտակ տան մամուլի քարտուղար Ջեն Փսակին։ «Նախագահի գնալու պլաններ չկան. թույլ տվեք պարզապես կրկնել դա»,- լրագրողներին ասել է Փսակին:

Սպիտակ տունը հայտարարել է, որ ցանկանում է փոխարենը ուղարկել բարձրաստիճան պաշտոնյայի, հավանաբար պետքարտուղար Էնթոնի Բլինքենին կամ պաշտպանության նախարար Լլոյդ Օսթինին:

CNN-ին տված հարցազրույցում, որը հեռարձակվել է կիրակի օրը, Ուկրաինայի նախագահ Վլադիմիր Զելենսկին ասել է, որ կարծում է, որ Բայդենը կայցելի Կիև:

«Դա, իհարկե, նրա որոշումն է», — ասել է Զելենսկին։ «Բայց ես կարծում եմ, որ նա Միացյալ Նահանգների առաջնորդն է, և դրա համար նա պետք է գա այստեղ` տեսնելու իրավիճակը»:

Փսակին նաև ասել է, որ ԱՄՆ-ը հույս ունի վերաբացել Կիևում ԱՄՆ դեսպանատունը, թեև ժամանակացույց չի ներկայացրել:

«Դա, իհարկե, մեր նպատակն է», — ասել է նա: «Ակնհայտ է, որ տեղում դիվանագիտական ​​ներկայությունը կարևոր է»:

Back to top button