ԿարևորՌադիոլուր

Արեւմտահայերէն լուրեր Ապրիլ 12. 2022

Ֆրանսան վերահաստատեց իր լիակատար յանձնառութիւնը Հարաւային Կովկասի տարածաշրջանին մէջ խաղաղութեան եւ կայունութեան հաստատման ինչպէս երկկողմ հիմքով, այնպէս ալ որպէս Եւրամիութեան խորհուրդի նախագահ եւ Մինսքի խումբի համանախագահ։ Յայտարարեց Ֆրանսայի Արտաքին գործոց նախարարութիւնը ։

Սփիւռքի գործերու գլխաւոր յանձնակատարի գրասենեակը Հայաստանի մէջ «Քայլ դէպի տուն» երկշաբաթեայ ծրագիրը կ՛իրականացնէ 13-18 տարեկաններու համար ։ Ծրագիրի հայաստանեան ծախսերը պիտի հոգայ Հայաստանի կառավարութիւնը: 14 օրերու ընթացքին պատանիները պիտի բացայայտեն հայրենիքը: Չորս հանգրուաններով 27, Յունիսէն մինչեւ 20, Օգոստոս ։

Այսօր Աւագ Երեքշաբթի է, արարչութեան երրորդ օրը, երբ Աստուած երկրի վրայ դալար բոյսեր եւ պտղատու ծառեր աճեցուց : Աւետարանական Տասը կուսանաց առակը ՝ հինգ իմաստուն եւ հինգ յիմար կոյսերու պատմութեամբ կը պատգամէ Տիրոջ Գալստեան պատրաստ ըլլալու մասին:

Back to top button