Ռադիոլուր

Արեւմտահայերէն լուրեր Ապրիլ 8. 2022

Հայաստանի Արտաքին գործոց նախարար Արարատ Միրզոյեան աշխատանքային այցով Մոսկուա կը գտնուի, Ապրիլ 8-ին Այցի շրջածիրէն ներս տեղի պիտի ունենայ Հայաստանի եւ Ռուսաստանի նախարարներուն հանդիպումը: Մոսկուայի մէջ Արարատ Միրզոյեանը պիտի հանդիպի նաեւ ՀԱՊԿ Գլխաւոր քարտուղարին հետ:

ԵԱՀԿ նախագահութիւնը ողջունած է Հայաստանի եւ Ատրպէյճանի ղեկավարներուն հանդիպումը Եւրոպական խորուհրդի նախագահին հովանիին ներքոյ։ Ըսուած է ԵԱՀԿ Լեհաստանի նախագահութեան յայտարարութեան մէջ։

Սուրիոյ մէջ Հայաստանի Հանրապետութէան դեսպանութեան հետ համագործակցութեամբ` Հայաստանի մարդասիրական առաքելութեան 9-րդ մարդասիրական խումբը Հալէպի բժշկական հաստատութիւններուն փոխանցած է 4 թոն բժշկական օգնութիւն, կը յայտեն Մարդասիրական ականազերծման եւ փորձագիտական կեդրոնէն:

Back to top button