Ռադիոլուր

Արեւմտահայերէն լուրեր Մարտ 25. 2022

Մարտ 24-ին Ատրպէյճանի Զինուած ուժերը կոպտօրէն խախտելով 2020թ. Նոյ․ 10-ի եռակողմ յայտարարութեան պահանջները, ներխուժած են Արցախի մէջ Ռուսաստանի խաղաղապահ զօրակազմի գօտի, վերահսկողութեան տակ վերցնելով Ասկերան շրջանի Փառուխ գիւղն ու յարակից դիրքերը, ապա փորձած են յառաջխաղացում ապահովել Արցախի Հանրապետութեան արեւելեան սահմանագօտի: Կը յայտնէ Արցախի Պաշտպանութեան բանակը։

Ռուսական խաղաղապահ զօրակազմի եւ Արցախի համապատասխան մարմիններու կողմէն ժամեր տեւած բանակցութիւնները էական արդիւնք չեն տուած, եւ թշնամին չէ վերադարձած ելման դիրքեր:

Աւելին. ատրպէյճանական ստորաբաժանումները Մարտ 25-ի գիշերը կրակած են ՝ կիրառելով ինչպէս տարբեր տրամաչափի հրաձգային զինատեսակներ, այնպէս ալ հարուածային Անօփաչու թռչող սարքեր :
Ժամը 09։00 դրութեամբ իրադրութիւնը յարաբերական կայուն է։

Կարդացեք նաև
Close
Back to top button