ԿարևորՄիջազգային

Ֆրանսիան սառեցնում է Ռուսաստանի Կենտրոնական բանկի 22 մլրդ եվրոյի ակտիվները

Ֆրանսիայի իշխանությունները սառեցրել են Ռուսաստանի Կենտրոնական բանկի 22 միլիարդ եվրոյի չափով միջոցները, ինչպես նաև արևմտյան երկրների հակառուսական պատժամիջոցների տակ հայտնված ֆիզիկական անձանց հաշիվներն ու անշարժ գույքը՝ ՏԱՍՍ-ի փոխանցմամբ՝ հայտնել է Ֆրանսիայի էկոնոմիկայի և ֆինանսների նախարար Բրունո Լը Մերը:

«Մենք սառեցրել ենք Ռուսաստանի Դաշնության Կենտրոնական բանկի ակտիվները 22 միլիարդ եվրոյի չափով, սառեցրել ենք նաև ֆրանսիական հիմնարկներում մասնավոր անձանց հաշիվներին 150 միլիարդ եվրոյի չափով միջոցներ», — ասել է նախարարը RTL ռադիոկայանի եթերում: Նրա խոսքով՝ Ֆրանսիայում սառեցվել է «կես միլիարդ եվրոյի» անշարժ գույք, որը պատկանում է մոտ 30 ռուսաստանցիների։

Back to top button