Տեխնիկական գիտությունների թեկնածու, կառավարման մագիստրոս Գոռ Վարդանյանն իր ուղին սկսել է ԵՊՀ-ին առընթեր Արտաշես Շահինյանի անվան ֆիզմաթ հատուկ դպրոցից:
Նրա հետագա ճանապարհը ամուր թելերով կապվել է Հայաստանի ազգային պոլիտեխնիկական համալսարանի հետ: Ակտիվ ներգրավված լինելով բուհի ուսանողա-հասարակական կյանքում՝ արժանացել է տարբեր մրցանակների ու պարգևների, զբաղեցրել տարբեր պատասխանատու պաշտոններ:
Հայաստանի ամենաերիտասարդ ռեկտորը 17 գիտական աշխատանքի հեղինակ է: Իր հաջողությունը համարում է այն ընտանիքը, որտեղ ծնվել է ու այն ընտանիքը, որի անունն է «հայրենիք»:
