ԿարևորՀասարակություն

«ԻԳործ»-ը սփիւռքահայ մասնագէտները կը հրաւիրէ աշխատելու Հայաստանի պետական կառավարման համակարգին մէջ

Հայաստանի  սփիւռքի գործերու գլխաւոր յանձնակատարի գրասենեակի «իԳործ» ծրագիրը սփիւռքահայ մասնագէտները կը  հրաւիրէ աշխատելու Հայաստանի պետական կառավարման համակարգին մէջ մէկ տարուայ  ժամկէտով:

Ծրագրին դիմելու վերջնաժամկէտը Ապրիլ 30-ն է: «Յոյս ունինք, որ գոնէ նուազագոյն չափով կը կարողանանք դրական փոփոխութիւններ իրականացնել մեր պետական համակարգին մէջ»,- ըսած է սփիւռքի գլխաւոր յանձնակատար Զարեհ Սինանեան։

Կառավարութեան  որոշումով պաշտօնապէս հաստատուեցաւ Երեւանի մէջ հիմնել հայրենադարձման եւ ինտեգրման կեդրոն։ Շուտով հայրենադարձները կրնան մուտք գործել Երեւանի մէջ այս նոր կեդրոնը, ուր անոնց պիտի տրամադրուի աջակցութիւն հայրենադարձութեան ամբողջ գործընթացի վերաբերեալ։ Սա Հայաստանի մէջ առաջին անգամ է, որ կը պատահի կառավարական մակարդակով, մէկ պատուհանի սկզբունքով՝ աջակցիլ հայրենադարձներու բոլոր խնդիրներուն, խթանել եւ նեցուկ կանգնիլ հայրենադարձներուն։ Հոն պիտի ըլլան տարբեր ոլորտներու մասնագէտներ տարբեր լեզուներով ՝նոյնպէս  արեւմտահայերէնով։ Գալիք ամիսներուն պիտի բացուի կեդրոնը համագործակցաբար «Յովնանեան» հիմնադրամին։

Փաթիլ Մկրտիչեան

Զրուցակիցս՝ Փաթիլ Մկրտիչեանը, Լիբանանէն ժամանած է «ԻԳործ» ծրագիրով։  Այժմ կ՛աշխատի սփիւռքի գլխաւոր յանձնակատարի գրասենեակը։ Ան բացատրեց վերոնշեալ կեդրոնի մասին։ Շատ կարեւոր է այս կեդրոնը, ըսաւ, մարդիկ իրենց հարցերուն լուծումները պիտի գտնեն։ Սուրիոյ պատերազմին պատճառով մեծ թիւով մարդիկ հայրենադարձ եղան, ապա Լիբանանէն տնտեսական ճգնաժամին, իսկ հիմա Ուքրանիոյ եւ Ռուսիոյ պատերազմէն եկողները, ըստ Փաթիլի, գալիք օրերուն հայրենադարձներու թիւը պիտի աւելնայ եւ այս կեդրոնի ստեղծումը խիստ կենսական  պիտի ըլլայ։

«ԻԳործ» ծրագիրը իրականացուցած է երազը խումբ մը երիտասարդներու՝ 13 տարբեր երկիրներէն ժամանած, որոնք կը գործեն այժմ 24 կառավարական հաստատութիւններու մէջ` բերելով իրենց ներդրումը հայրենիքին։

Կրնաք միանալ «ԻԳործ»-ին, որ ընթացք պիտի առնէ Սեպտեմբեր 2022-ին,- յայտարարեց Փաթիլ Մկրտիչեան, իսկ մանրամասներու համար այցելեցէք գրասենեակի կայքը «իԳործ» ծրագրի բաժին։

Back to top button