ԿարևորՌադիոլուր

Արեւմտահայերէն լուրեր Մարտ 10. 2022

Կարավարութեան նիստի սկիզբը վարչապետ Նիկոլ Փաշինեան անդրադարձաւ Արցախի մէջ տիրող իրավիճակին, որտեղ երեկուընէ թշնամին պարբերաբար խախտած է հրադադարը, նաեւ նախօրէին վնասուած է դէպի Արցախ տանող բնական կազի խողովակաշարը։ «Յաւելեալ գնահատականներ տալէն զերծ կը մնամ, քանզի մենք Արցախի իշխանութիւններուն եւ մեր միջազգային գործընկերներուն հետ կ՛աշխատինք իրադրութիւնը կարգաւորելու ուղղութեամբ»,-ըսաւ վարչապետ Փաշինեան։

Այսօր, ժամը 10:35-ին Խրամորթ գիւղի բնակիչ ՝ Սուրէն Պաղտասարեանը, իրենց տան բակին մէջ գիւղատնտեսական աշխատանքներ կատարելու ժամանակ, թշնամիի կողմէն արձակուած կրակոցէն վիրաւորուած է : Ականը պայթած է տան բակին մէջ: Անոր կեանքին վտանգ չսպառնար։

Սերկէյ Լաւրով եւ Տմիթրի Քուլեպան բանակցութիւններու համար Անթալիա կը գտնուին։ Թուրքիոյ, Ռուսաստանի եւ Ուքրանիոյ ղեկավարներուն բանակցութիւնները ծրագրուած են են Հինգշ․ Մարտի 10-ին, Անթալիայի մէջ: Սա Ռուսաստանի եւ Ուքրանիոյ Արտաքին գործոց նախարարներու ղեկավարներուն առաջին հանդիպումն Է Ուքրանիոյ մէջ ռազմական գործողութիւնները սկսելէն ի վեր:

Back to top button