ԿարևորՀասարակություն

Կեդրոնը երկու տարուան մէջ պիտի վերջանար, տեւեց տասը տարի․ բժիշկ Ալֆրէտ Աւագեան

Այցելուն «Աւագ» բժշկական կեդրոն մտնելով այստեղէն պէտք է երջանիկ դուրս գայ․ այս սկզբունքով գործող «Աւագ»  բժշկական կեդրոնի հիմնադիր եւ գլխաւոր բժիշկ` Ալֆրէտ Աւագեանն է զրուցակիցս։

Ան ծնած էՊարսկաստան, ուսանած է Գերմանիա, ապրած Ամերիկա եւ ի վերջոյ հանգրուանած՝ Հայաստան։ Հայաստանի մէջ ինք ալ պէտք է ներդրում ունենար։ Արցախեան առաջին պատերազմի տարիներուն առաջին անգամ ոտք դրած է, իսկ տարիներ անց հաստատուած՝ հայրենիքի մէջ հիմնելով սեփական բժշկական կեդրոնը Դաւիթաշէնի մէջ։

«Աւագ» կեդրոնը ոչ միայն աշխատավայր դարձած է, այլեւ տուն, որտեղ ան կ՛ապրի` գիշեր ցերեկ պայքարելով  իւրաքանչիւր հիւանդի կեանքին համար։

Ալֆրէտ Աւագեան բժշկական գիտութիւններու թեկնածու է։ Աւարտած է Գերմանիոյ «Հայտըլպերգ» բժշկական համալսարանը։ Ապրելով տարբեր երկիրներու մէջ` այսօր ան իր հմտութիւնները կը ներդնէ հայրենիքի մէջ՝ յանուն Հայաստանի առողջապահական համակարգի զարգացման, յանուն հայրենակիցներու առողջութեան։ «Հայաստանի մէջ, եթէ մեր ուժը ներէ, գանք մեր երկիր ու մատուցենք մեր ծառայութիւնները Հայաստանին»,- կ՛ըսէ տոքթ. Աւագեան։

Այս կեդրոնի կառուցումը, որը երկու տարուան մէջ պիտի վերջանար, տեւած է տասը տարի։ Հիմա, ըստ բժիշկին, դրութիւնը աւելի փոխուած է Հայաստանի մէջ , սփիւռքի հայութիւնը  աւելի հեշտ  եւ աւելի ճիշդ ձեւով կրնան գալ ու հիմնել իրենց ծրագիրները,-կ՛ըսէ ան։

«Բազմաթիւ դժուարութիւններ յաղթահարելէն յետոյ ՝որոշեցի Հայաստանի մէջ կեդրոն մը հիմնել, որը կը համապատասխանէ դուրսի բժշկական կեդրոններու չափորոշիչներուն»։ Ան տարուան մեծ մասը  կ՛ապրի Հայաստանի մէջ , Ամերիկայի մէջ թողնելով իր ընտանիքը։

«Այստեղ հիւանդի հետ փոխյարաբերութիւններու  հիմքին արդարութիւնն է, անկեղծութիւնը, հոգատար վերաբերմունքն ու անհատական մօտեցումը»։

Բժիշկի կարծիքով, այսօր բաւական յառաջացում կայ Հայաստանի մէջ, ան նաեւ աւելցուց, որ շատ գործ կայ ընելիք  բժշկական  ոլորոտին մէջ։   «Այստեղ կեդրոնին մէջ մենք հիւանդին աւելի մօտ ենք, բժիշկները աւելի հեշտ ձեւով կը զրուցեն հիւանդներուն հետ, այնպէս որ հիւանդը չի վախնայ»։

 Զրուցակիցս՝ յայտնի, սիրուած բժիշկը կը քաջալերէ սփիւռքահայերը, որպէսզի գան հայրենիք, բերեն դուրսի փորձը ու կիրառեն հայրենիքի մէջ։ Այստեղ հիմնեն իրենց կեդրոնները եւ օգտակար դառնան հայրենիքի շէնացման։

Հայաստանի որակեալ առողջապահութեան ապահովման գործին մէջ այսօր մեծ է սփիւռքահայ մասնագէտներու ներդրումը,  ատոր վառ օրինակն է՝ տոքթ․ Ալֆրէտ Աւագեանը։                           

Back to top button