ԿարևորՌադիոլուր

Արեւմտահայերէն լուրեր Մարտ 9, 2022

Վարչապետ Նիկոլ Փաշինեանը աշխատանքային այցով կը գտնուի Փարիզ, Ֆրանսա: Կառավարական պատուիրակութեան կազմին մէջ են՝ Արտաքին գործերու, Առողջապահութեան, Տարածքային կառավարման եւ ենթակառուցուածքներու նախարարները, Կրթութեան, գիտութեան, մշակոյթի եւ մարմանկրթութեան նախարարի տեղակալները: Այցի շրջածիրէն ներս վարչապետը Էլիզէի պալատին մէջ հանդիպում պիտի ունենայ Ֆրանսայի նախագահ Էմանուէլ Մաքրոնին հետ:

Մարտի 8֊ին` ժամը 23։00֊ի սահմաններուն, Արցախի Ասկերան շրջանի Խրամորթ գիւղի հատուածին՝ թշնամին հերթական անգամ խախտած է հրադադարը 3 հատ ական արձակելով գիւղի ուղղութեամբ, յայտնեց Արցախի Պաշտպանութեան նապարարութեան մամլոյ ծառայութիւնը։ Հայկական կողմէն տուժածներ չկան։

Ռուսաստանի Պաշտպանութեան նախարարութեան պաշտօնական ներկայացուցիչ Իկոր Քոնաշենքովը յայտնած է, որ Ռուսաստանի զինուորականներու ձեռքին տակ յայտնուած են Ուքրանական գաղտնի փաստաթուղթեր, որոնք կ՛ապացուցեն, որ Քիեւը Մարտին յարձակում նախապատրաստած էր Տոնպասի մէջ: Ռուսաստանի Պաշտպանութեան նախարարութիւնը հրապարակած է այդ փաստաթուղթերը:

Back to top button