Գրականագետ, խմբագիր Արքմենիկ Նիկողոսյանը և արձակագիր Հովհաննես Հովակիմյանը զրուցում են Հրանտ Մաթևոսյանի «Երկրի ջիղը» ժողովածուի մասին։ «Երկրի ջիղը» վիպակի հերոսուհի Աղունի կյանքում դառը օրերը շատ-շատ են եղել, ուրախ օրերը շատ քիչ. բայց նա համառ է, չի կոտրվում և առաջ է տանում իր դժվար գործը՝ մեծացնում է իր երեխաներին, ստեղծում իր տնտեսությունը և արհամարանքով նայում այն մարդկանց, որոնք թույլ են ու նվնվան։ Ինչո՞ւ «Երկրի ջիղը», որովհետև Աղունը իսկապես երկրի ջիղ էր, երկիրը շարժող մարդ։
