«Միսս Հայաստան» ազգային գեղեցկության մրցույթի հաղթող՝ 21-ամյա Սոնա Դավթյանը նախկինում գեղեցկության մրցույթների մասնակցության փորձ չի ունեցել: Սովորում է ԵՊՀ եվրոպական լեզուների և հաղորդակցության ֆակուլտետի իտալարեն և անգլերեն բաժնում և պատրաստվում է էլ ավելի մեծ հաղթանակների։
Ունի բարեգործական ծրագրեր՝ ուղղված տարեցների խնամքին, սակայն երազանքների մասին նախընտրում է չբարձրաձայնել: Անդրադառնալով իր առօրյային՝ Սոնան նշում է, որ պարապություն չի սիրում, զբաղվում է սպորտով, սիրում է դիտել ֆիլմեր և լինել խոհանոցում:
