ԿարևորՀասարակություն
Դադարեցվել են Հաշվեքննիչ պալատի նախագահի լիազորությունները
ՀՀ ԱԺ նախագահ Ալեն ՍԻմոնյանը ստորագրել է Հաշվեքննիչ պալատի նախագահ Լևոն Յոլյանի լիազորությունները դադարած համարելու մասին արձանագրությունը:
Արձանագրության մեջ ասվում է.
«Հիմք ընդունելով Հաշվեքննիչ պալատի նախագահ Լևոն Յոլյանի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի եւ 2-րդ մասի 2-րդ կետի, ինչպես նաեւ «Հաշվեքննիչ պալատի մասին» օրենքի 17-րդ հոդվածի 7-րդ մասի 4-րդ կետի պահանջներով՝ դադարած համարել Հաշվեքննիչ պալատի նախագահ Լևոն Յոլյանի լիազորությունները»:
Հաշվեքննիչ պալատի նախագահ Լևոն Յոլյանը հրաժարականի դիմում էր ներկայացրել հունվարի 19-ին:
Նա այդ պաշտոնը ստանձնել էր 2018թ. ապրիլի 9-ին։