ԱՄՆ կոնգրեսական Ֆրենկ Փալոնը թվիթերյան էջում գրառում է արել՝ տեղեկացնելով, որ կոչ է արել պետքարտուղարությանն օգտագործել դիվանագիտական բոլոր միջոցները՝ հայ ռազմագերիների ազատ արձակումն ապահովելու համար։
«Այսօր խոսեցի պետքարտուղարության հետ և վերահաստատեցի, որ ԱՄՆ-ը պետք է վճռական ու հրապարակայնորեն աջակցի Հայաստանի ժողովրդավարությանն ու մեր երկրների մերձեցմանը: Կոչ եմ արել նրանց օգտագործել դիվանագիտական բոլոր միջոցները՝ ադրբեջանական ագրեսիան կասեցնելու և հայ ռազմագերիների ազատ արձակումն ապահովելու համար»,- գրել է նա։
Spoke with @StateDept today, where I reiterated the need for the US to strongly & publicly support Armenia's democracy and bring our countries closer together. I urged them to use every available diplomatic tool to halt Azeri aggression & ensure the release of Armenian POWs.
— Rep. Frank Pallone (@FrankPallone) January 26, 2022
