Արևիկ Սիմոնյանը 5 տարեկանից է որոշել, որ ուզում է դիզայներ դառնալ: Ութ տարեկան էր, երբ ընտանիքը Ռուսաստան տեղափոխվեց: Ավարտել է Մոսկվայի Տեխնոլոգիաների քոլեջի դիզայնի բաժինը։
Մասնակցել է բազմաթիվ ցուցադրությունների՝ արժանանալով մրցանակների, ստացել Փարիզում իր հավաքածուն ներկայացնելու հրավեր, այնուհետև Լոնդոն՝ ուսումը շարունակելու: Սակայն նա ընտրեց Երևանը, որտեղ դարձավ սեփական դիզայներական բրենդի հիմնադիրն ու ղեկավարը: