Հանրապետության նախագահի հրաժարական տալու մտադրության մասին հայտարարության հրապարակումից ժամեր առաջ ենք այդ մասին տեղեկացել և, բնականավար, նախկինում այդ թեմայով քննարկումներ չենք ունեցել, ֆեյսբուքյան իր էջի ուղիղ եթերում ասել է վարչապետ Նիկոլ Փաշինյանը՝ պատասխանելով ՏԱՍՍ լրատվական գործակալության հարցին, թե որպես խորհրդարանում մեծամասնություն ունեցող կուսակցություն «Քաղաքացիական պայմանագիր»-ն ունի՞ արդյոք հանրապետության նախագահի թեկնածուի ֆավորիտ:
«Այո, այդ թեման պետք է լրջորեն քննարկենք և որոշումներ կայացնելիս պետք է առաջնորդվենք նաև վերջին 4 տարվա պատմության փորձով: Այո, «Քաղաքաքացիական պայմանագիր» կուսակցության խմբակցությունն է, որ պետք է ընտրի հանրապետության նախագահ: Իհարկե, առանց խորհրդարանական մեծամասնության հնարավոր չէ նախագահի ընտրությունը: Կարծում եմ, որ պետք է գնանք այնպիսի լուծումների, որ հանրապետության նախագահի, կառավարության և խորհրդարանական մեծամասնության միջև լինի քաղաքական ներդաշնակություն: Պիտի լինի այնպիսի իրավիճակ, երբ խորհրդարանը, կառավարությունը, հանրապետության նախագահը իրենց կապված են զգում միասնական պատասխանատվությամբ»,- ասել է նա: