Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը թվիթերում գրառում է արել, որում ողջունում է Մոսկվայում Հայաստանի և Թուրքիայի հատուկ ներկայացուցիչների հանդիպումը: «Հարաբերությունների կարգավորումը և հաղորդակցությունների բացումը կարևոր նպատակ է, որին Եվրամիությունը լիովին աջակցում է»,- գրել է Տոյվո Կլաարը:
Հայաստանի և Թուրքիայի պատվիրակությունները Մոսկվայում ժամանել են ՌԴ ԱԳՆ ընդունելությունների տուն, որտեղ կկայանա երկկողմ հարաբերությունների կարգավորման հարցով երկու երկրների հատուկ ներկայացուցիչների առաջին հանդիպումը։ Հայաստանի կողմից նշանակված հատուկ ներկայացուցիչն ԱԺ փոխնախագահ Ռուբեն Ռուբինյանն է, բանակցություններում Թուրքիան ներկայացնում է ԱՄՆ-ում երկրի նախկին դեսպան Սերդար Քըլըչը։
Welcome news about meeting in Moscow between 🇦🇲and🇹🇷representatives. Normalisation of relations and opening of communications is an important objective that the 🇪🇺fully supports.
— Toivo Klaar (@ToivoKlaar) January 14, 2022