ԿարևորՄիջազգային

ՀԱՊԿ խաղաղապահները սկսել են պաhպանվող սոցիալական օբյեկտները փոխանցել Ղազախստանի անվտանգության ուժերին

Սկսվել է խաղաղապահների կողմից պահպանվող սոցիալական կարևոր օբյեկտների փոխանցումը Ղազախստանի իրավապահ մարմիններին։ Այս մասին հինգշաբթի օրը լրագրողներին հայտնել են ՌԴ ՊՆ-ում։

«ՀԱՊԿ հավաքական խաղաղապահ ուժերի հրամանատարության և Ղազախստանի Հանրապետության պաշտպանության նախարարության կողմից մշակված պլանի համաձայն՝ սկսվել է խաղաղապահների կողմից պահպանվող սոցիալական նշանակալի օբյեկտների փոխանցումը երկրի իրավապահ մարմիններին»,-հայտնել են ռազմական գերատեսչությունից։

ՀԱՊԿ հավաքական խաղաղապահ ուժերի ստորաբաժանումները, կատարելով իրենց առջեւ դրված խնդիրները, պատրաստվում են վերադառնալ իրենց մշտական ​​տեղակայման կետեր։ «ՀԱՊԿ խաղաղապահների վերադարձն իրենց երկրներ կկազմակերպվի ղազախական կողմի հետ համագործակցությամբ»,- նշել են ՌԴ պաշտպանության նախարարությունից։

Հունվարի 2-ին Ղազախստանի մի շարք քաղաքներում բողոքի ակցիաներ են անցկացվել, որոնք մի քանի օրում վերաճել են անկարգությունների ու ջարդերի։ Դրանք ուղեկցվել են երկրի բազմաթիվ քաղաքներում, առաջին հերթին Ալմաթիում ոստիկանության, զինվորականների և կառավարական իշխանությունների վրա հարձակումներով: Հազարավոր մարդիկ վիրավորվել են, զոհերի ստույգ թիվը հայտնի չէ։ Նախագահ Կասիմ-Ժոմարտ Տոկաևի կոչից հետո ՀԱՊԿ երկրները խաղաղապահներ են ուղարկել հանրապետություն։ Ըստ իշխանությունների՝ սահմանադրական կարգը վերականգնվել է բոլոր մարզերում։

Ցուցադրել ավելի
Back to top button