Կենսաբանական գիտությունների թեկնածու Արմինե Մարգարյանը դպրոցական տարիներին տարված է եղել ձեռագործությամբ և կենսաբանություն առարկայով։ Մայրիկի խորհրդով ընտրել է ԵՊՀ կենսաբանության ֆակուլտետը: Բուհն ավարտելուն պես նա հարազատ ֆակուլտետի մանրէաբանության ամբիոնում աշխատելու առաջարկ է ստացել։
Անցնելով վերապատրաստումներ ԱՄՆ-ի Կոռնելի, Նորվեգիայի Բերգենի համալսարաններում և Տոկիոյի տեխնոլոգիական ինստիտուտում՝ նա շարունակում է դասախոսել հարազատ բուհում, մանրէաբանության և կենսատեխնոլոգիայի ամբիոնի դոցենտ է: Երիտասարդ գիտնականի կարծիքով՝ հաջողության գրավականը իր ասպարեզում սերն է։ Կարծում է, որ եթե հավատաս, անպայման ցանկալի արդյունքի կհասնես:
