Անեսթեզիոլոգ-ռեանիմատոլոգ Հայկ Հովհաննիսյանը բժիշկների ընտանիքում չի ծնվել: Ավելին՝ ծնողները դեմ են եղել նրա ընտրությանը, սակայն դեռ դպրոցական տարիներից հրապուրված էր բժշկությամբ:
Ուսանողական տարիներին հայտնվելով վերակենդանացման բաժանմունքում` նա որոշում է իր հետագա ճանապարհը կերտել հենց այդ մասնագիտացմամբ:
ԵՊԲՀ-ի անեսթեզիոլոգիայի, ռեանիմատոլոգիայի և ինտենսիվ թերապիայի ամբիոնի դասախոս Հայկ Հովհաննիսյանն իր էությամբ մարտիկ է, տարբեր քաղաքացիական նախաձեռնությունների անդամ է, մասնակցել է նաև քառօրյա և 44-օրյա պատերազմներին: