Կոթի գյուղում ծնված Սոս Խաչիկյանը իր աշխատանքային ուղին սկսել է հայրենի գյուղի դպրոցից՝ աշխատելով որպես ֆիզիկայի ուսուցիչ, այնուհետև դասախոսել է ՀՀ տարբեր բուհերում՝ հանրային ֆինանսների, պետական կառավարման և մակրոտնտեսագիտության թեմաներով:
Աշխատանքային գործունեությանը զուգահեռ նա մշտապես մասնակցել է միջազգային կրթական ու հետազոտական նախագծերի՝ ներգրավվելով Քեմբրիջի, Մասաչուսեթսի, Ցվիկաուի կիրառական հետազոտությունների, Ռուսաստանի տնտեսագիտության բարձրագույն դպրոցի և այլ համալսարանների ու գիտահետազոտական կենտրոնների ծրագրերում:
