Հայաստանը յաղթեց «Մանկական Եվրատեսիլ 2021»-ին։ Ֆրանսայի մայրաքաղաք Փարիզի մէջ Հայաստանի ներկայացուցիչ 14 տարեկան Մալենան գրաւեց առաջին տեղը ։ Երկրորդ տեղը Լեհաստանը , երրորդը՝ Ֆրանսան։ Հայաստանի պատուիրակ Մալենան հիանալի կերպով հանդէս եկաւ «Քամի-քամի» երգով, որը օրեր շարունակ գլխաւորեց մրցոյթի պաշտօնական կայքի առցանց քուէարկութիւնը։
Վարչապետ Նիկոլ Փաշինեան Դեկտ․ 20-ին աշխատանքային այցով կը մեկնի Վրաստան: Թիֆլիսի մէջ երկու երկիրներու վարչապետերուն մասնակցութեամբ տեղի պիտի ունենայ Հայաստանի եւ Վրաստանի միջեւ տնտեսական համագործակցութեան միջկառավարական յանձնաժողովի նիստը: Նախատեսուած է նաեւ վարչապետ Փաշինեանի եւ Վրաստանի կառավարութեան ղեկավար Իրաքլի Ղարիպաշվիլիի առանձնազրոյցը:
Միջազգային կառոյցները ողջունեցին Դեկտեմբեր 19-ին տասը հայ գերիներու վերադարձը հայրենիք։ Հայաստանի Արտգործ նախարարութենէն յայտնած էին, որ Եվրոպական խորհուրդի նախագահ Շառլ Միշէլի միջնորդութեամբ 10 ռազմագերիներ վերադարձած են հայրենիք և ներկայացուցած՝ անունները։
