Նրանք առաջամարտիկ են եղել բոլոր ոլորտներում` անգամ նորաձևության։ Եվ միշտ հայ վաճառականները ազնիվ մարդկանց համբավ են ունեցել։ Ճիշտ է, օտար պետությունների դրոշի տակ են գործել, բայց միշտ պահել են հայի տիպարն ու տեսակը։
Սարդարապատի Հայոց ազգագրության թանգարանի «Հայ վաճառականների ուղին» ցուցադրությունը բոլոր կողմերից է ներկայացնում նրանց։ Առկա են անգամ քարտեզները, որոնցում նրանց երթուղին է, դրամները, որոնցով առևտուր են արել, նրանց ընտանիքների նկարները, որոնց անսահման նվիրված են եղել։
