Ռադիոլուր

Արեւմտահայերէն լուրեր Դեկտեմբեր 8, 2021

ԵԱՀԿ Մինսքի խումբի համանախագահ երկիրները համատեղ յայտարարութիւն ընդունեցին: Ամերիկայի, Ռուսաստանի եւ Ֆրանսայի Արտաքին քաղաքական գերատեսչութիւններու ղեկավարները իրենց աջակցութիւնը կը յայտնեն Մինսքի խումբի համանախագահներու հովանիին ներքոյ Հայաստանի եւ Ատրպէյճանի միջեւ ուղիղ երկխօսութեան վերսկսման:

Դեկտեմբեր 8-10 Արտաքին գործց նախարար Արարատ Միրզոյեան աշխատանքային այցով կը մեկնի Փարիզ՝ մասնակցելու Հայ-ֆրանսական տնտեսական համագործակցութեան զարգացման եւ ընդլայնման հարցերով աշխատանքային խումբի համատեղ նիստին:

Հայաստանի Ազգային ժողովը ընդունեց կառավարութեան ներկայացուցած օրէնքի նախագիծը, որմով գործատուին կարելիութիւն կը տրուի Covid-19-ի դէմ պատուաստման կամ քորոնայի զննում փաստաթուղթը չներկայացնող աշխատակցին չթոյլատրել մտնել աշխատավայրը, կատարել իր աշխատանքային պարտականութիւնները, նոյինսկ լուծել աշխատանքային պայմանագիրը:

Ցուցադրել ավելի
Back to top button