ԿարևորՀասարակություն
Վարդաշենի բուժամբուլատորիան ծառայելու է նաև Գետազատ և Մրգանուշ համայնքների բնակիչներին
Վարդաշեն համայնքում կառուցվել և այսօրվանից շահագործման է հանձնվել բուժամբուլատորիա, որը ծառայելու է նաև Գետազատ և Մրգանուշ համայնքների բնակիչներին:
Բնակիչների համար երկար տարիներ բարեկարգ բուժհիմնարկ ունենալու երազանքն իրականացվել է կառավարություն-մարզպետարան համագործակցության արդյունքում:
Բժշկական կենտրոնի բացման արարողությանը ներկա են եղել նաև Արարատի մարզպետի տեղակալ Արտավազդ Նազարեթյանն ու մարզպետարանի Առողջապահության և սոցիալական ապահովության վարչության պետ Սուսաննա Կտրակյանը։
Նախկինում բուժամբուլատորիան գործում էր Գետազատ համայնքում, այն գտնվում էր անմխիթար վիճակում: