ԿարևորՀասարակություն

Հունաստանի, Կիպրոսի և Հայաստանի հատուկ ջոկատայինները համատեղ վարժանքներ են անցկացրել

Հունաստանի, Կիպրոսի և Հայաստանի հատուկ նշանակության ստորաբաժանումներն ավարտել են Close Quarter Battle 2021 համատեղ զորավարժությունները, հայտնում է Կիպրոսի պաշտպանության նախարարությունը։

Զորավարճությունները տեղի են ունեցել 2021 թվականի նոյեմբերի 22-ից 26-ը Հունաստան-Կիպրոս-Հայաստան Եռակողմ համագործակցության ծրագրի շրջանակներում:

Համատեղ զորավարժությունների նպատակը մարտական պայմաններում միավորված հատուկ նշանակության ուժերի մարտունակության և փոխգործունակության բարձրացումն էր։

Դասընթացը ներառել է արագ արձագանքման մարտական հրաձգություն, շարժվող թիրախների ոչնչացում, գիշերային ու քաղաքային մարտեր, բնակելի թաղամասերում մահացածների և վիրավորների հետ աշխատանք:

Կիպրոսի պաշտպանության նախարարությունը հայտարարել է, որ «նման զորավարժությունները Հունաստանի, Կիպրոսի և Հայաստանի միջև Եռակողմ համագործակցության ծրագրի հետ մեկտեղ արտացոլում են երեք երկրների զինված ուժերի հիանալի համագործակցությունը»:

Ցուցադրել ավելի
Back to top button