Նրա ուսերին հաճախ էր ընկնում առաջինը բեմ բարձրանալու պատասխանատու գործը, շատ հաճախ նրա անդրանիկ ելույթից էր կախված լինում այս կամ այն ստեղծագործության ճակատագիրը։
«Առաջին տպավորությունը ստեղծագործության առաջին կատարման ժամանակ է ստացվում, և հետո դժվար է լինում այն փոխել, եթե մի բան այն չի լինում։ Երբեմն դիրիժորը կարողանում է կոմպոզիտորի ինչ-որ թերություններ թաքցնել եւ շտկել»,- մաեստրո Մարտին Վարդազարյանն է ասում։
Մաեստրո Ռուբեն Մաթևոսյանը խոստովանում է, որ կարոտել է իր ընկերներին ու հենց այդ պատճառով իրենց խոսակցության հերոսը Գևորգ Մուրադյանն է` դիրիժոր, ինչպես իրենք են ասում, ուղղակի լավ մարդ ու լավ ընկեր։
«15 րոպեն քիչ է», բայց մաեստորներն այս ընթացքում հասցնում են խոսել հայ դիրիժորներից մեկի՝ Գևորգ Մուրադյանի մասին։