Synergy International Systems հայաստանյան ընկերության տնօրեն Աննա Ստեփանյանն ավարտել է ԵՊՀ արևելագիտության ֆակուլտետի արաբագիտության բաժինը։
Նրա համար ճակատագրական էր ընկերոջ աշխատանքի առաջարկը ՏՏ ընկերություններից մեկում` սկզբում որպես տնօրենի օգնական, այնուհետև մարդկային ռեսուրսների կառավարման մասնագետ, հետո տնօրեն, իսկ այսօր՝ մասնաճյուղի տնօրեն։
Նա մեծապես կարևորում է վստահելի գործընկերությունը, առողջ փոխհարաբերությունները, նաև ջանասեր ու լավ արդյունքներ ցուցաբերող աշխատակիցներին ոգևորելու անհրաժեշտությունը։