Արդեն 300 տարի իտալացի կոմպոզիտոր Անտոնիո Վիվալդիի «Տարվա եղանակներ» ջութակի չորս կոնցերտներից կազմված շարքը ոգեշնչում է տարբեր արվեստագետների` բանաստեղծների, նկարիչների, կոմպոզիտորների, ռեժիսորների։
Տարվա եղանակներին նվիրվել են բազմաթիվ ստեղծագործություններ: Գրվել են հեքիաթներ, հանելուկներ, ստեղծվել կտավներ, ուսուցողական խաղեր։ Թեման ոգեշնչել է նաև գեղանկարիչ Աշոտ Ազատյանին: Հոկտեմբերի 29–ին Հայաստանի նկարիչների միությունում բացվեց արվեստագետի «Տարվա եղանակները» խորագրով անհատական ցուցահանդեսը:
Նկարչի սուր և դիպուկ աչքն ամեն քայլափոխի նկատում և խորը աշխարհընկալմամբ իր բնանկարներում, նատյուրմորտներում, կոմպոզիցիոն աշխատանքներում վերարտադրում է մեզ շրջապատող աշխարհի հետաքրքիր ակնթարթները:
Աշոտ Ազատյանը ծնվել է Երևանում, ավարտել Երևանի Փանոս Թերլեմեզյանի անվան գեղարվեստի ուսումնարանը, հետագայում՝ Հայաստանի գեղարվեստի պետական ակադեմիան: Տարիների ընթացքում մասնակցել է հանրապետական, միջազգային ցուցահանդեսների, հանդես եկել բազմաթիվ անհատական ցուցահանդեսներով: Զրույց գեղանկարիչ Աշոտ Ազատյանի հետ:
