ԿարևորՀասարակություն

Կապանի ԲԿ-Ն կապահովի Ոորոտանի, Շուռնուխի, Բարձրավանի բուժսպասարկումը

Նոյեմբերի 17-ին Կապանի բժշկական կենտրոնի տնօրեն Կարեն Մելքոնյանն այցելել է Գորիսի Բարձրավան, Շուռնուխ, Որոտան գյուղեր՝ առողջապահական համակարգի անխափան աշխատանքի համար անհրաժեշտ պայմաններին ծանոթանալու ու կազմակերպական հարցեր քննարկելու համար։

Քանի որ առավել նպատակահարմար է, ու որոշում է կայացվել, որ այս պահին տվյալ գյուղերը պետք է սպասարկի Կապանի ԲԿ-ն, նրա հետ է եղել նաեւ բնակավայրերին կցված ընտանեկան բժիշկը, որը ծանոթացել է բուժքույրերին։

Ուսումնասիրվել են գյուղերի բուժակ-մանկաբարձական կետերը, որպեսզի բավարարվեն դրանց կարիքներն ու ըստ անհրաժեշտության բարեկարգվեն ու վերազինվեն։ Բժիշկները տեղեկացել են նաեւ այս բնակավայրերում ապրող հղիների ու խրոնիկ հիվանդների մասին, որոնք հատուկ ուշադրության կարիք ունեն, իսկ բնակիչներին հայտնել են, որ բուժսպասարկման ու պետության կողմից տրվող դեղորայքի մատակարարման, ինչպես նաեւ շտապօգնության հասանելիության առումով խնդիրներ չեն ունենա։

Առաջիկա օրերին հենց տեղերում կիրականացվեն նաեւ նոր կորոնավիրուսային հիվանդության դեմ պատվաստումները։

Ցուցադրել ավելի
Back to top button