ԿարևորՌադիոլուր

Արեւմտահայերէն լուրեր Նոյեմբեր 18, 2021

Նոյեմբեր 18-ի ժամը 10։00-ի դրութեամբ իրադրութիւնը հայ-ատրպէյճանական սահմանին յարաբերականօրէն կայուն է։ Կը տեղեկացնէ Պաշտպանութեան նախարարութիւնը։ Նոյեմբեր 17-ին, Ռուսաստանի հարաւային ռազմական հրամանատարի ՝ Ռուստամ Մուրատովի միջնորդութեամբ, յատուկ չուերթովՊաքուէն Երեւան տեղափոխուեցաւ Հայաստանի Զինուած ուժերու զինծառայողին մարմինը։ Մարտերու հետեւանքով անհետ կորսուած զինծառայողներու յայտնաբերման, ինչպէս նաեւ գերի առնուածներու վերադարձի շուրջ աշխատանքները կը շարունակուին։ Պաշտպանութեան նախարարութիւնը նաեւ կը տեղեկացնէ, որ երէկ ուշ երեկոյեան ատրպէյճանական Զինուած ուժերը անկանոն կրակած են Տաւուշ մարզի հայ-ատրպէյճանական սահմանի որոշ ուղղութիւններով։ Պատասխան գործողութիւններով թշնամիի կրակը լռեցուած է։

Նոյեմբեր 18-19-ը Երեւանի մէջ տեղի կ՛ունենայ Եվրասիական միջ-կառավարական խորհուրդի հերթական նիստը, այդ առիթով Հայաստան կը ժամանեն Եվրասիական տնտեսական միութեան անդամ պետութիւններու կառավարություններու ղեկավարները: Եվրասիական տնտեսական միութեանն անդամ են Ռուսաստանը, Հայաստանը, Պելառուսը, Ղազախստանը ու Ղրղըզստանը։

Ցուցադրել ավելի
Back to top button