ԿարևորՌադիոլուր

Արեւմտահայերէն լուրեր Նոյեմբեր 17, 2021

Նոյեմբեր 17-ի ժամը 10։00-ի դրութեամբ իրադրութիւնը Հայաստանի արեւելեան սահմանագիծին՝ յարաբերականօրէն կայուն է, կրակմարը կը պահպանուի։ Կը տեղեկացնէ Պաշտպանութեան նախարարութիւնը ։ Նոյեմբեր 16-ի մարտական գործողութիւններու արդիւնքով Հայկական կողմը ունի 1 զոհուած եւ 13 գերի առնուած զինծառայողներ ։ 24 զինծառայողներու հետ կապը կորսուած է մարտական գործողութիւններու ընթացքին եւ անոնց ճակատագիրը այս պահուն անյայտ է։ Զինծառայողներու յայտնաբերման ուղղութեամբ կ՛ընթանան աշխատանքներ։

Հայաստանի տարածքային ամբողջականութիւնը եւ ինքնիշխանութիւնը պաշտպանելու համար կը դիտարկուի միջազգային իրաւունքի եւ դիւանագիտական բոլոր գործիքներու կիրառումը։ Ըսաւ Հայաստանի Արտաքին գործոց նախարարութեան մամլոյ խօսնակը պարզաբանումներ ներկայացնելով Ռուսաստանի Դաշնութեան դիմելու եւ ՄԱԿ-ի Անվտանգութեան խորհուրդին դիմելու վերաբերեալ:

Ցուցադրել ավելի
Back to top button