ՀՀ ԳԱԱ ակադեմիկոս-քարտուղար, ֆիզմաթ. գիտությունների թեկնածու, դոկտոր, պրոֆեսոր, ֆիզիկական հետազոտությունների ինստիտուտի նյութական ալիքների ֆիզիկայի լաբորատորիայի վարիչ Արթուր Իշխանյանը Մոսկվայի ֆիզիկատեխնիկական ինստիտուտի շրջանավարտ է: Հայաստան վերդառնալուց հետո, արցախյան պատերազմի տարիներին զբաղվել է զենքի նախագծմամբ և արտադրությամբ:
Նա մշտապես գիտական աշխատանքը զուգակցել է մանկավարժական գործունեության հետ։ Արժանացել է ՀՀ նախագահի 2015թ․-ի մրցանակին՝ «Քվանտային երկմակարդակ խնդրի անալիտիկ մոդելներ» գիտական հոդվածների շարքի համար։
