Էկոսֆերա

Պոչամբարի պատվարից մի քանի մետր այն կողմ ձմերուկ են աճեցնում, հետո՝ վաճառում շուկայում․ «Էկոսֆերա»

Արարատի ցիանային պոչամբարը Հայաստանի 21 պոչամբարներից ամենավտանգավորն է։ Այստեղ պոչերը որպես արդյունաբերական թափոն, հիմնված են ցիանային տեխնոլոգիայի արտադրության վրա։

Հետո արդեն վտանգավորների սանդղակում ցինկային և կապարային պոչամբարներն են` Գեղանուշինն ու Ախթալայինը: Բնապահպան Ինգա Զարաֆյանը Արարատի ցիանային պոչամբարի մասին խոսում է հենց տարածքում, որտեղ լրագրողներս տեղում ենք փորձում ծանոթանալ իրավիճակին.

«Ցիանային տեխնոլոգիաների միջոցով շրջակա միջավայր արտանետվում է ցիանիդ, ածխածնի օքսիդ, ազոտի օքսիդներ, քլորի գոլորշիներ, ածխի և հանքաքարի փոշի: Ոսկու գործարանի պոչամբարը, որը գտնվում է Արարատ գյուղի վարչական տարածքում, մոտ 5800 մետր հեռավորությամբ է գործարանից: Այսինքն՝ հենց պոչատարի երկարությունն այդքան է: Պոչամբարը լցված է մինչև 814,5 մետր նիշի, իսկ նիշի վերին ծավալը կազմում է 821 մետր, այսինքն՝ մոտ վեց մետրի տարբերություն է մնում: Դա նշանակում է, որ պոչամբարը բավականին լցված է, և նրանք պետք է մտածեն՝ ինչ անել այդ պոչամբարի հետ»:

Արմաշի բնակիչ Տիգրան Մաթևոսյանի համար՝ օդի աղտոտվածության ցուցիչ է այգու թթենին։ Ասում է ՝ սև թութը սպիտակ է դառնում փոշու պարունակությունից։ Պոչամբարի պատվարից մի քանի մետր այն կողմ ձմերուկ են աճեցնում , հետո՝ վաճառում շուկայում․ Վարդանյան։ Արարատի ցիանային պոչամբարը Հայաստանում ամենավտանգավորներից է։ Մասնագետները վերհանում են պոչամբարի հետ կապված վտանգներն ու ռիսկերը՝ Ազդակիր համայնքի բնակիչների և շրջակա միջավայրի աղտոտվածության տեսանկյունից։

Ցուցադրել ավելի
Back to top button